英超 補時呂布入12碼 奧脫福又和波-NEW-ONE熱點

英超 補時呂布入12碼 奧脫福又和波

作者:Joanna    發表日期:2018-10-01 03:34:20

即上英超刨績王:http://win.on.cc/epl 

夢劇院慘變「和」平飯店!英超老牌勁旅曼聯今晨喺主場迎戰愛華頓,結果喺大部份時間落後一球下,最後僅憑「呂布」伊巴謙莫域喺補時階段射入12碼,追和1比1完場!曼聯奧脫福主場以往係任何球隊夢魘,但佢哋今季喺「夢劇院」聯賽16戰和咗9場,比率冠絕英超。連同今場失分,「紅魔鬼」依家以29戰得54分排第5,落後第4位嘅曼城4分,畀打多場嘅第3位利物浦拋甩5分,要爭前4條路愈來愈難行呀!

「紅魔鬼」今場早段形勢佔優,其中復出嘅「呂布」有次左路單刀埋門,但因為起腳慢,畀客隊回防嘅守將及時刪走個波。去到22分鐘,愛華頓一次右路角球攻勢,伏兵遠柱嘅菲臘積基爾卡接應隊友艾殊利威廉斯頭槌二傳,喺曼聯守將馬高斯盧祖力壓下,背對龍門出怪腳施射,個波射穿「紅魔鬼」門神迪基亞大細入網,領先1比0。之後曼聯喺30分鐘幾乎追平,戴利白蘭特禁區邊罰球勁射僅被愛華頓門將祖爾盧保斯飛身撲出,後上補中嘅安達靴里拉又近門射中楣,錯過追平黃金機會。

換邊後曼聯繼續有較多攻勢,其中後備登場嘅保羅普巴喺55分鐘曾經接應傳中近門頂中楣,而「拖肥糖」則有盧卡古多次突擊都無功而還。71分鐘,伊巴謙莫域禁區內頂入,但慘被球證錯判「越位」,認真陰功。直到補時階段,勞基梳爾禁區邊「生蟲」右腳撻Q窩利似乎冇乜威脅,但客隊守將艾殊利威廉斯竟喺門前犯手球救波,後者領紅被逐兼輸12碼,極刑由伊巴謙莫域操刀射入,曼聯總算追回1比1完場,叫做唔使輸波咁難睇!

東網體育同你追實體壇每個精彩時刻! 
http://bit.ly/2ecTF2A 


本文來源:http://hk.on.cc/hk/bkn/cnt/sport/20170405/bkn-20170405045426112-0405_00882_001.html




Tag:
本文連結:http://www.dvbmanufacturer.com/5811.html