【北韓足球】金正恩「美斯工廠」意甲發圍!-NEW-ONE熱點

【北韓足球】金正恩「美斯工廠」意甲發圍!

作者:Charlotte    發表日期:2018-10-04 19:47:18

「北韓美斯」頂入赫特大門:http://bit.ly/2pj7hfA 

北韓「美斯工廠」有貨賣!北韓領袖金正恩近年致力發展足球運動,3年前已經秘密喺平壤開咗設綽號「美斯工廠」嘅足球學校,揚言要「製造」200個北韓美斯出嚟!雖然「美斯」仲未出現,但呢個計劃似乎已經開始有收成,18歲新星韓光宋尋晚意甲創歷史,後備上陣為卡利亞里入波,成為史上首個喺意甲入波嘅北韓球員,金正恩肯定畀Like啦!

韓光宋上個月加盟意甲卡利亞里,上星期已經處子上陣,尋日主場對拖連奴一仗又喺81分鐘入場,結果喺95分鐘就接應隊友傳送,頭槌頂爆英格蘭國腳門神赫特嘅十指關!卡利亞里最後都要輸2比3,但韓光宋呢一個就意義重大,佢賽後亦喜形於色:「好開心喺意甲開齋,多謝教練同隊友,卡利亞里就好似我屋企一樣。我同隊友相處得好好,落場亦依足教練指示,我仍然有好多嘢要學習,盡最大努力去闖出名堂!」

據意大利《新聞報》報道,韓光宋係北韓足球革命嘅一個標誌,金正恩多年次已經派人去意大利同西班牙學法,學成再回流北韓教波,3年前開嘅「美斯工廠」,就挑選咗200位9至15歲嘅童男童女「入廠」受訓,成個計劃由金正恩親自監督,「美斯工廠」主教練李友日曾表示:「我哋要將年輕人練得比美斯更犀利,依家我哋目標係要稱霸亞洲,喺不久嘅將來仲要統治世界足球!」最搞笑嘅係,韓光宋嘅偶像其實唔係美斯,而係葡萄牙球星C朗拿度。

東網體育同你追實體壇每個精彩時刻!
http://bit.ly/2ecTF2A 


本文來源:http://hk.on.cc/hk/bkn/cnt/sport/20170410/bkn-20170410111301562-0410_00882_001.html




Tag:
本文連結:http://www.dvbmanufacturer.com/6524.html